මහවැලි ගඟ ද්රෝණියේ පහත්බිම් ආශ්රිත ප්රදේශ සඳහා ඉදිරි පැය 24ක කාලය තුළ සුළු ගංවතුර තත්ත්වයක් ඇතිවිය හැකි බව වාරිමාර්ග දෙපාර්තමේන්තුව සඳහන් කරයි.
මහවැලි ගඟෙහි ඇතැම් ධාරා ප්රදේශවලට ඇද හැලෙන වර්ෂාපතනය හේතුවෙන් මහවැලි ගඟ ද්රෝණියේ කින්නියා, මුතූර්, සේරුවිල, වැලිකන්ද, ලංකාපුර තමන්කඩුව හා දිඹුලාගල ප්රාදේශීය ලේකම් කොට්ඨාසවලට අයත් මහවැලි ගඟ ආසන්නයේ පහත්බිම් ප්රදේශවලට ඉදිරි පැය 24ක කාලය තුළ සුළු ගංවතුර තත්ත්වයක් ඇතිවිය හැකි බව නිවේදනය කර කර තිබේ.
මඩකලපුව - පොළොන්නරුව මාර්ගය ගල්ලෑල් ප්රදේශයෙන්ද, සෝමාවතිය රජමහා විහාර පිවිසුම් මාර්ගයද, සෝමාවති රජමහා විහාරය අවට ප්රදේශයටද සුළු ගංවතුර තත්ත්යක් ඇතිවීමේ අවධානමත් මතුව ඇතිවිය හැකියි.
එම නිසා ඉදිරි දින කිහිපය පසුවන තෙක් සෝමාවති රජමහා විහාරය වෙත ගමන් කරන බැතිමතුන් මෙන්ම එම ප්රදේශවල මහවැලි ගඟට ආසන්නව පදිංචි ජනතාවද ඒ සම්බන්ධව විමසිල්ලෙන් යුතුව කටයුතු කරන ලෙසත් වාරිමාර්ග දෙපාර්තමේන්තුව සියලු පාර්ශ්වයන්ට දැනුම් දී තිබේ.
එමෙන්ම වාරිමාර්ග දෙපාර්තමේන්තුව විසින් මෙම අනතුරු ඇඟවීමේ නිවේදනය හෙට( 23) මධ්යම රාත්රී 12.00 දක්වා බලපැවැත්වෙන බවද එම දෙපාර්තමේන්තුව වැඩිදුරටත් සඳහන් කරයි.