උසස් පෙළ විභාග කාලසීමාව තුළ සිසු දරුදැරියන්ට සහ විභාග රාජකාරි සඳහා සම්බන්ධ වන නිලධාරීන්ට යම් ආපදා තත්ත්වයන් හේතුවෙන් ඇති විය හැකි බාධා වළක්වා ගැනීමට ආපදා කළමනාකරණ මධ්‍යස්ථානය සහ විභාග දෙපාර්තමේන්තුව එක්ව විශේෂ ඒකාබද්ධ වැඩපිළිවෙළක් ක්‍රියාත්මක කර තිබේ.
විභාග කාල සීමාවේ ආපදාවලින් අවදානමින් තොර පරිසරයක් නිර්මාණය කර දීම සඳහා ඒ ඒ පාර්ශ්වකාර ආයතන කටයුතු කළ යුතු ආකාරය ඇතුළත් මාර්ගෝපදේශයක් නිකුත් කිරීමට ද ආපදා කළමනාකරණ මධ්‍යස්ථානය කටයුතු කර ඇත.
යම් ආපදා තත්ත්වයක් හේතුවෙන් විභාගයට පෙනී සිටීමට යම් බලපෑමක් එල්ල විය හැකි සිසු දරුවන්ට 117 දුරකතන අංකයට හෝ විභාග දෙපාර්තමේන්තුව විසින් හඳුන්වාදී ඇති 1911 දුරකතන අංකයට හෝ ආපදා කළමනාකරණ මධ්‍යස්ථානයෙහි හදිසි මෙහෙයුම් මැදිරිය තුළ ස්ථාපිත කර ඇති ජාතික විභාග හදිසි මෙහෙයුම් ඒකකය විශේෂ ඇමතුම් අංක 113 668 026, 113 668 032, 113 668 087 සහ 113 668 119 යන දුරකතනවලට දැනුම්දීමෙන් අවශ්‍ය සම්බන්ධීකරණ සහාය ලබා ගත හැකිය.