අධ්‍යයන පොදු සහතික පත්‍ර උසස් පෙළ විභාගයේ (2024) ජෛව පද්ධති තාක්ෂණවේදය විෂයට අදාළව ප්‍රායෝගික පරීක්ෂණය සම්බන්ධව විභාග දෙපාර්තමේන්තුව සඳහන් කරයි.
එම දෙපාර්තමේන්තුව නිවේදනයක් නිකුත් කරමින් මේ බව සඳහන් කර ඇති අතර එම ප්‍රායෝගික පරීක්ෂණය එළැඹෙන මාර්තු මස 08 වැනි දින සිට මාර්තු මස 10 වැනි දින දක්වා දිවයින පුරා ප්‍රායෝගික පරීක්ෂණ මධ්‍යස්ථාන 75කදි පැවැත්වීමට නියමිත බව සඳහන් කරයි.
ඒ අනුව එළැඹෙන 07 වැනි දින මධ්‍යම රාත්‍රි 12 සිට එළැඹෙන 10 වැනි දින දක්වා සම්පූර්ණ ප්‍රායෝගික පරීක්ෂණ අවසන් වන තෙක් විභාග අපේක්ෂකයින් සඳහා උපකාරක පන්ති පැවැත්වීම, සංවිධානය කිරීම හා පන්ති මෙහෙයවීම සම්පූර්ණයෙන් තහනම් වන බවද එම නිවේදනයේ සඳහන් වේ.