විදුලිබල මණ්ඩලයේ ප්‍රතිව්‍යුහගත කිරීමේ කාර්යාංශයේ සහ කමිටුවේ නිලධාරීන් සමඟ ප්‍රතිව්‍යුහගත කිරීමේ වැඩපිළිවෙළේ ඉදිරි පියවර සම්බන්ධයෙන් විශේෂ සාකච්ඡාවක් ඊයේ (22) පැවැත්විණ.
ඒ විදුලිබල හා බලශක්ති අමාත්‍ය කංචන විජේසේකර මහතාගේ ප්‍රධානත්වයෙනි.
ආසියානු සංවර්ධන බැංකුව විසින් ඉන්දියානු මධ්‍යම විදුලිබල අධිකාරියේ හිටපු සභාපති ආචාර්ය පන්කජ් බාත්‍රා මෙරට විදුලිබල ක්ෂේත්‍රය ප්‍රතිව්‍යුහගත කිරීමේ වැඩසහනට සහය පලකිරීම සදහා අනුයුක්ත කර ඇති අතර ඔහු සමඟ කොළඹ විශ්වවිද්‍යාලයීය මානව සම්පත් කළමණාකාරන අංශයේ මහාචාර්ය අරෝශා අධිකාරම් මහත්මිය, මානව සම්පත් කළමණාකාර කටයුතු වෙනුවෙන් සහය ලබා දීම වෙනුවෙන් සහ ආසියානු සංවර්ධන බැංකුවේ ආයතනික ශක්තිමත් කිරීමේ උපදේශකයවරයෙකු වන ඩබාසිස් මහපත්‍රා මහතාගේ සහය ද ලබා දී ඇත.
ගැසට් කර පාර්ලිමේන්තුවේ අනුමැතිය ලබාගැනීමට පෙර කැබිනට් මණ්ඩලය අනුමත කළ නව විදුලිබල පනත සම්බන්ධයෙන් ජනාධිපතිවරයා, කැබිනට් මණ්ඩලයේ සාමාජිකයන්, ආසියානු සංවර්ධන බැංකුව ,ජපාන ජාත්‍යන්තර සහයෝගිතා ඒජන්සිය, ලෝක බැංකුව සහ ඇමෙරිකානු ජාත්‍යන්තර සහයෝගීතා ආයතනය ඇතුළු සංවර්ධන නියෝජිත ආයතනවල නිරීක්ෂණ සහ ව්‍යවස්ථානුකුලව අවශ්‍ය රෙගුලාසි සකස් කිරීමට සහ පාරිභෝගිකයන්ගේ ආරක්ෂාව, අයක්‍රමය සැකසීමේ නීති සහ පනතේ සිංහල පරිවර්තනයේ සිදුවිය යුතු වෙනස්කම් සාකච්ඡා කරනු ලැබුණි.
පසුගිය සඳුදා කැබිනට් මන්ඩල රැස්වීමේදී විදුලිබල මන්ඩලයේ යෝජිත ප්‍රතිව්‍යුහගත වැඩපිළිවෙළ ක්‍රියාත්මක කීරීම් සදහා අනුමැතිය හිමි වූ අතර ඒ අනුව නව විදුලිබල පනත සම්මත කිරීමට පාර්ලිමේන්තුවට ඉදිරිපත් කරනු ලැබේ.