කටුනායක ජාත්‍යන්තර ගුවන් තොටුපොළේ භූමි මෙහෙයුම්( Ground Handling) ශ්‍රී ලංකන් ගුවන් සමාගමෙන් ශ්‍රී ලංකා ගුවන් තොටුපොළ සමාගමට පැවරීමට තීරණය කර ඇතැයි වරාය නාවික සහ ගුවන් සේවා අමාත්‍ය නිමල් සිරිපාල ද සිල්වා මහතා පැවසීය.
ගුවන් තොටුපොළේ භූමි මෙහෙයුම්වල විශාල ප්‍රමාදයක් පවතින බව ගුවන් සේවා සමාගම වල නියෝජිතයෝ අමාත්‍යවරයාට පසුගියදා පෙන්වා දුන්හ.
මේ හේතුවෙන් ගුවන් තොටුපොළේ විශාල ප්‍රමාදයක් ඇති වන බවද ඔවුහු ප්‍රකාශ කළහ.
මේ ප්‍රශ්නය සම්බන්ධයෙන් අමාත්‍ය නිමල් සිරිපාල ද සිල්වා මහතා අදාල ආයතන බලධාරීන් සමඟ පසුගියදා දීර්ඝව සාකච්ඡා කළේය.
අමාත්‍යවරයා ඉහත තීරණය ගෙන ඇත්තේ ඉන් අනතුරුවය.
Lankadeepa