රාජ්‍ය සේවකයන්ට පහසු ඇදුමකින් සැරසී සේවයට වාර්තා කිරීමට හැකි වන පරිදි නිකුත් කළ චක්‍රලේඛය අවලංගු කර තිබෙනවා. ඒ, රාජ්‍ය පරිපාලන, ස්වදේශ කටයුතු, පළාත් සභා හා පළාත් පාලන අමාත්‍යාංශයේ ලේකම් ප්‍රියන්ත මායාදුන්නේ විසින්.
2019 ජූනි විසිහය දින නිකුත් කළ රාජ්‍ය පරිපාලන චක්‍රලේඛ 13 ඇල ඉරක් 2019 එක හා 2022 සැප්තැම්බර් 27 දින නිකුත් කළ රාජ්‍ය පරිපාලන චක්‍රලේඛ ලිපි 5 ඇල ඉරක් 22 වහාම ක්‍රියාත්මක වන පරිදි අවලංගු කිරීමට ඉකුත් දා පැවති අමාත්‍ය මණ්ඩල රැස්වීමේදී තීරණය කර තිබෙනවා. ඒ අනුව අදාළ චක්‍රලේඛ වහාම අවලංගු කරන බවයි රාජ්‍ය පරිපාලන, ස්වදේශ කටයුතු, පළාත් සභා හා පළාත් පාලන අමාත්‍යාංශයේ ලේකම්වරයා පැවසුවේ.
කෙසේවෙතත් මාණ්ඩලික ශ්‍රේණිවල නිලධාරීන්ගේ නිල ඇදුම සම්බන්ධයෙන් 1989 පෙබරවාරි පළමු වනදා නිකුත් කළ රාජ්‍ය පරිපාලන චක්‍රලේඛ අට ඇල ඉරක් අසූනවය සහ නිල ඇදුම් නියම කර ඇති රජයේ නිලධාරීන්ට නිල ඇදුම් සම්බන්ධයෙන් අදාළ වන අනෙකුත් චක්‍රලේඛ තවදුරටත් වලංගු වනවා.
Neth