ඕමානයේ රැකියා ලබාදෙන බවට පොරොන්දු දී රැගෙන ගිය තරුණියන් හා කාන්තාවන් රැකියා නියෝජිතයන්ගේ කාර්යාලවලදී එරට හාම්පුතුන්ට රිසි සේ තෝරාගැනීමට පෝලිම් ගස්සවා ප්‍රදර්ශනය කර විකිණිමේ ජාවාරමට අනුබල දුන් බවට සැකකරන ඕමානයේ ශ්‍රී ලංකා තානාපති කාර්යාලයේ නිලධාරියාගේ වැඩ තහනම් කොට මෙරටට කැඳවීමට විදේශ කටයුතු අමාත්‍යාංශය පියවර ගෙන තිබේ.
එසේම මෙම ජාවාරමට සම්බන්ධ දේශීය තැරැව්කරුවන් සොයා අපරාධ දෙපාර්තමේන්තුවේ මිනිස් ජාවාරම් හා සමුද්‍රීය අපරාධ විමර්ශන කොට්ඨාසයෙන් වැඩිදුර විමර්ශන සිදුකරමින් පවතී.
ඩුබායි සහ අබුඩාබි බලා ගුවන් මගින් රැගෙන යන ශ්‍රී ලාංකික කතුන් එතැනින් ඕමානයට රැගෙන ගොස් ගණිකා වෘත්තිය වැනි විවිධ අකටයුතු සඳහා යොදවන බවට මේවන විට තොරතුරු හෙළිදරව් වී තිබේ.
එවැනි ස්ථානවලින් බේරාගත් කාන්තාවන් 45 දෙනෙක් මේ වන විටත් ඕමාන් හි ආරක්ෂිත නිවස්නයක රඳවා සිටිති.
Mirror