2023 ජනවාරි 01 වනදා සිට ක්‍රියාත්මක වන පරිදි රාජ්‍ය ආයතන මගින් අයකෙරෙන විවිධ ගාස්තු 20% කින් ඉහළ නැංවීමට යෝජනා කරන බව ජනාධිපති රනිල් වික්‍රමසිංහ මහතා පවසයි.
ඒ අනුව ආගමන හා විගමන දෙපාර්තමේන්තුව විසින් පනවන විදෙස් ගමන් බලපත්‍ර ගාස්තු, වීසා ගාස්තු සහ අනෙකුත් ගාස්තුත් ඉහළ නැංවීමටයි ඒ මහතා යෝජනා කර ඇත්තේ.
කෙසේවෙතත් 2020, 2021 සහ 2022 යන වසරවලදී දැනටමත් ඉහළ නංවා ඇති විවිධ ගාස්තු මෙම යෝජනාව මගින් සංශෝධනය නොකෙරෙන බවත් ජනාධිපතිවරයා ප්‍රකාශ කළේය.
ජනාධිපතිවරයා මේ බව පැවසුවේ 2023 අයවැය ඊයේ (14) පාර්ලිමේන්තුවට ඉදිරිපත් කරමිනි.
LNW