ඉන්ධනවලට දාන පෙත්තකට අවසර දී නෑ
පෙට්‍රල්වල ඔක්ටේන් අගය වැඩි කිරීමට සහ ඉන්ධනවල ගෙන්දම් ප්‍රමාණය අඩු කිරීමට පෙති වර්ගයක් ඉන්ධන සමඟ කලවම් කිරීමට කිසිඳු ආයතනයකට උපදෙස් හෝ අනුමැතිය දී නොමැති බව නිවේදනයක් නිකුත් කරමින් ලංකා ඛනිජ තෙල් සංස්ථාව පවසයි.
එක්තරා සමාගමක් ඉන්ධනවලට යොදෙන පෙත්තක් ප්‍රවර්ධනය කරමින් ජනතාව නොමඟ යැවීමේ කූට ව්‍යාපාරයක් දියත් කරමින් සිටින බව සංස්ථාව අනාවරණය කරයි.
දේශීය වෙළෙඳපොලේ ඇති ඩීසල් සහ පෙට්‍රල් සම්මත ක්‍රමවේදයකට අනුව පිළිගත් රසායනාගාර පරීක්‍ෂණයකින් තොරව ඒවායේ ඔක්ටේන් අගය අඩු යැයි එම සමාගම කරන ප්‍රචාරයන් පිළිබඳව නීතිමය කටයුතු කරන ලෙස පාරිභෝගික කටයුතු පිළිබඳ අධිකාරියට දන්වා ඇති බව ලංකා ඛනිජ තෙල් සංස්ථාව සදහන් කරයි.
එම කූට ප්‍රචාරයන්ට හසුනොවන ලෙස ජනතාවගෙන් ඉල්ලා සිටින බවත් ඛනිජ තෙල් සංස්ථාව වැඩි දුරටත් සදහන් කරයි.
Aruna