පසුගියදා ආන්දෝලනයට තුඩුදුන් Black Sand Commodities සමාගමට ලබා දීමට ගිය ගල් අඟුරු ටෙන්ඩරය එකී සමාගමට ලබා දුන්නේ නම් රජයට ඇමෙරිකානු ඩොලර් මිලියන 450ක පාඩුවක් සිදුවන බව පොදු ව්‍යාපාර පිළිබඳ කාරක සභාව (COPE) අවධාරණය කරයි.
මීට අදාළ ශ්‍රී ලංකාවේ විගණකාධිපති දෙපාර්තමේන්තුවේ වාර්තාවකට අනුව, නොරොච්චෝලේ ගල් අඟුරු බලාගාරය සඳහා 2022 – 2025 අතර කාලයේ ටෙන්ඩරය අධීක්‍ෂණය කළ නිලධාරීන්ට එරෙහිව පියවර ගන්නා ලෙස මහජන මුදල් පිළිබඳ පාර්ලිමේන්තු කාරක සභාව (COPF) නිර්දේශ කර ඇත.
විදුලිබල හා බලශක්ති අමාත්‍ය කංචන විජේසේකර මහතා පාර්ලිමේන්තුවේදී මීට ප්‍රතිචාර දක්වමින් ප්‍රකාශ කළේ නිර්දේශ ඉදිරිපත් කිරීමට පෙර නිලධාරීන් මුහුණ දුන් සිදුවීම් දාමය සලකා බලන ලෙසයි.
විගණකාධිපතිවරයාගේ වාර්තාවක් උපුටා දක්වමින් සමඟි ජන බලවේගයේ පාර්ලිමේන්තු මන්ත්‍රී පාඨලී චම්පික රණවක මහතා පැවසුවේ අදාළ සමාගම විසින් ඇමරිකානු ඩොලර් 284.84 ක මිලකට ගල් අඟුරු ටොන් එකක් මිලදී ගැනීමට බලාපොරොත්තු වී ඇති බවයි.
එමෙන්ම රුසියානු දර්ශකයට අනුව එම ප්‍රමාණයම ඇමරිකානු ඩොලර් 179.55කට මිලදී ගත හැකිව තිබූ බවද ඔහු තවදුරටත් පැවසීය.
ගල් අඟුරු ටොන් මිලියන 4.5 ක ප්‍රමාණයක් සඳහා සෑම ටොන් එකකම පිරිවැය ඇමරිකානු ඩොලර් මිලියන 100 කි. මෙය මෙසේ සිදු වූවා නම් ඩොලර් මිලියන 450ක පාඩුවක් වීමට ඉඩ තිබූ බව ඔහු හෙළි කළේය.
වාර්තාව තවදුරටත් උපුටා දක්වමින් රණවක මන්ත්‍රීවරයා කියා සිටියේ ලංසු තැබීමේ මිල පිළිබඳව සාකච්ඡා කිරීමට අවස්ථාවක් තිබුණද ඒ සඳහා කිසිදු උත්සාහයක් ගෙන නොමැති බව විගණකාධිපතිවරයා නිරීක්ෂණය කර ඇති බවයි.
ණයට ගල් අඟුරු සැපයීමේ කොන්ත්‍රාත්තුවක් ලබා දුන් සමාගමක් නීතිමය අවසරය ලැබෙන තුරු ඉදිරියට යාම ප්‍රතික්ෂේප කර ඇති බව විදුලිබල අමාත්‍ය කංචන විජේසේකර මහතා පැවසීය.
බලශක්ති අමාත්‍යාංශය ප්‍රකාශ කරන පරිදි සැපයුම්කරු “නීත්‍යානුකූල අවසර ලබා දෙන තුරු ඔවුනට ලබා දී ඇති කොන්ත්‍රාත්තුව ක්‍රියාත්මක කිරීම අත්හිටුවීමට” තීරණය කර ඇත.
ලක්විජය බලාගාරයේ ගල් අඟුරු ප්‍රසම්පාදනය සම්බන්ධ ගැටළු සාකච්ඡා කිරීම සඳහා ඊයේ ලංකා ගල් අඟුරු සමාගමේ නිලධාරීන් හමුවී කොන්ත්‍රාත්තුව ලබාදුන් සැපයුම්කරුවන් හමුවී සාකච්ඡා කළ බවද අමාත්‍ය විජේසේකර මහතා වැඩිදුරටත් පැවසීය.
දැනට ලැබී ඇති තොරතුරු අනුව, රුසියාවේ වැනිනෝ වරායෙන් ගල් අඟුරු ටොන් මිලියන 4.5 ක් සැපයීමේ ගනුදෙනුව එක්සත් අරාබි එමීර් රාජ්‍යයේ පිහිටි Black Sands Commodities FZ LLC නම් සමාගමකට ලබා දී ඇත.
එය ගල් අඟුරු සැපයීමට නියමිතව තිබුණේ ඇමරිකානු ඩොලර් 295.22 ක මූලික අනුපාතයකට සහ භාණ්ඩ ප්‍රවාහනය සඳහා ටොන් එකකට ඩොලර් 33 ක් ලෙසිනි.
කෙසේ වෙතත්, සමාගම මාස හයක ණය ලබා දීමට එකඟ වී ඇති අතර මෙසේ ඇමති විජේසේකර පාර්ලිමේන්තුවේදී ගනුදෙනුව ආරක්ෂා කළේ ටෙන්ඩර කැඳවීමේදී ඉදිරිපත් වූ ලංසුවලින් එය අඩුම මිළ සහිත ටෙන්ඩරය සැපයුම්කරු වන බව පවසමිනි.
LNW