බලශක්ති ඇමතිගෙන් නිවේදනයක්
QR කේතය නීති විරෝධීව සකස් කරන සහ භාවිත කරන පුද්ගලයන්ට එරෙහිව දැඩිව නීතිය ක්‍රියාත්මක කරන බව විදුලි බල හා බලශක්ති අමාත්‍ය කංචන විජේසේකර පවසයි.
ජාතික ඉන්ධන අවසරපත් QR ක්‍රමවේදය පිළිබඳව ප්‍රගති සමාලෝචන හමුවකට එක් වෙමින් අමාත්‍යවරයා මේ පිළිබඳ අවධානය යොමු කොට ඇත.
මෙහිදී කඩිනමින් වාහන නොවන අනෙකුත් ඉන්ධන අවශ්‍යතා වෙනුවෙන් QR කේතු නිකුත් කිරීමට ලියාපදංචි කරවීමට අවශ්‍ය පහසුකම් සැපයීම, එක් දුරකතන අංකයකින් ව්‍යාපාර ලියාපදිංචි අංකය මගින් බහු වාහන ලියාපදිංචිය, රජයේ වාහන ලියාපදංචිය වෙනුවෙන් එම ආයතනයට ආවේණික ලියාපදංචි අංකයක සමග සියලු වාහන ලියාපදංචි කරවීමට පහසුකම් සැලසීම, සංචාරකයන් වෙනුවෙන් ඉන්ධන අවසර පතක් ගුවන් තොටුපළේදී ඩොලර්වලින් මිල දී ගැනීමට පහසුකම් සැපයීම, ඉන්ධන පිරවුම්හල්වල පවතින ඉන්ධන තොග ස්වයංක්‍රියව ඒ මොහොතේ යාවත්කාලීන වන පහසුකම් සංවර්ධනය කිරීම, අවශ්‍යතාව අනුව ඉන්ධන කෝටාව වැඩි කිරීමේ පහසුකම් සැපයීම සඳහා අවධානය යොමුව තිබේ.
Aruna