ඉන්දියාවෙන් මෙරටට ලැබුණු පොහොර තොගය වගා කටයුතු සඳහා සුදුසු බව ජාතික පොහොර ලේකම් කාර්යාලය කෘෂිකර්ම අමාත්‍යංශය වෙත දැනුම් දී තිබෙනවා.
මෙම පොහොර තොගය සම්බන්ධයෙන් මෙරට රසායනාගාරයක් හරහා පරීක්ෂණ සිදුකර ඇති අතර පෙහොරවල අන්තර්ගත වියයුතු බයුරේට් ප්‍රතිශතය සම්බන්ධයෙන් ප්‍රමිති වාර්තාවක් ලබාගෙන තිබෙනවා. එහිදී තහවුරු වී තිබෙන්නේ පෙහොරවල බයුරේට් ප්‍රතිශතය 0.9% ක් බවයි.
මීට පෙර මෙම පොහොර තොගයට අදාලව අන්තර්ජාතික වාර්තා 03 ක් ලබාගෙන තිබිණි. එම වාර්තාවලට අනුව බයුරේට් ප්‍රතිශතය 0.65% කි.
පොහොර ලේකම් කාර්යාලය කෘෂිකර්ම අමාත්‍යංශය වෙත දැනුම් දී තිබෙන්නේ මෙම වාර්තාවලට අනුව, පොහොර තොගය මෙරට භාවිතය සඳහා කිසිදු ගැටලුවක් නොමැති බවයි.
මෙම පෙහොර තොගය වී, බඩඉරිඟු ඇතුළු බෝග සඳහා ලංකා පොහොර ලේකම් කාර්යාලය හරහා බෙදාහැරීම් කටයුතු සිදු කිරීමට නියමිතය.
LNW