මෝටර් රථ ප්‍රවාහන කොමසාරිස්ගෙන් දැනුම්දීමක්
රට තුළ මේ වන විට පවතින ඉන්ධන අර්බුදය හේතුවෙන් මෝටර් රථ ප්‍රවාහන දෙපාර්තමේන්තුව බ්‍රහස්පතින්දා සහ සිකුරාදා යන දෙදින නැවත දැනුම් දෙනතුරු වසා තැබීමට තීරණය කර ඇති බව මෝටර් රථ ප්‍රවාහන කොමසාරිස් ජනරාල් සුමිත් අලහකෝන් ප්‍රකාශ කර තිබේ.
රියදුරු බලපත්‍ර අලුත් කිරීමේ කටයුතු සඳහා පමණක් මාර්ගගතව වෙන්කරගත් සේවාලාභීන් සඳහා පමණක් වේරහැර රියදුරු බලපත්‍ර කාර්යාලය, ගම්පහ සහ අනුරාධපුර දිස්ත්‍රික් කාර්යාල බ්‍රහස්පතින්දා දින විවෘතව තැබේ.
රියදුරු බලපත්‍ර සඳහා ලබන 1 වැනිදා දිනය සහ වේලාව වෙන්කරගත් සේවාලාභීන් ලබන සඳුදා, අඟහරුවාදා සහ බදාදා පෙරවරුවේ පැමිණීමෙන් සේවය ලබාගත හැකි බවත් මෝටර් රථ ප්‍රවාහන දෙපාර්තමේන්තුව ප්‍රකාශ කර ඇත.
මෝටර් රථ ප්‍රවාහන දෙපාර්තමේන්තුවේ සේවාවන් සඳහා කාර්යාලයීය රාජකාරි දිනවල පෙරවරු 9.00 සිට පස්වරු 4.00 දක්වා 0707677877 (වාහන ලියාපදිංචි කිරීම සහ පැවරීම) සහ 0707677977 (රියදුරු බලපත්‍ර) යන දුරකථනවලට ඇමතීමෙන් ලබාගත හැකි බවත් කාර්යාලයීය රාජකාරි වේලාවෙන් පසුව Whatsapp/Viber/SMS පණිවුඩ ඔස්සේ කරුණු විමසිය හැකි බවත් එම දෙපාර්තමේන්තුව වැඩිදුරටත් පවසයි.
Aruna