යුක්‍රේනයට එරෙහිව යුධ වැද සිටින රුසියාව ඉලක්ක කර ගනිමින් යුරෝපා සංගමය අද දැඩි සම්බාධක පැනවුවා. එහි ඉලක්කය රුසියානුවන් 600 කට අධිකයි. ඒ අනුව සුඛෝපභෝගී භාණ්ඩ අපනයනය මෙන්ම රුසියාවේ බලශක්ති අංශයේ ආයෝජන ද නව සම්බාධකවල ඉලක්ක වනු ඇති.
මිල අධික මෝටර් රථ හා ස්වර්ණාභරණ රුසියාවට අපනයනය තහනම් වනවා. රුසියානු වානේ නිෂ්පාදන ආනයනය කිරීම ද තහනම්.
රුසියානු බලශක්ති ක්ෂේත්‍රයේ නව ආයෝජන ද සීමා කර තිබෙනවා. එය යුරෝපීය සංගමය ඉතිහාසයේ මෙතෙක් සම්මත කරගත් වේගවත්ම සහ ශක්තිමත්ම සම්බාධක පැකේජය වනු ඇති බවයි විදෙස් මාධ්‍ය වාර්තා කළේ. ජපානය ද රුසියානු ජාතිකයින් 17 දෙනෙකුට අධික පිරිසකගේ වත්කම් අත්හිටුවීමට අද තීරණය කළා.
මෙම සියලු තීරණ ගනිද්දී පවා රුසියාව තවදුරටත් යුක්‍රේනයට පහරදෙමින් සිටිනවා.
(Neth)